اسلام آباد (این این آئی)شمالی علاقوں میں گرمی کی شدید لہر اور مقبوضہ کشمیر میں طوفانی بارشوں کی پیشگوئی کر دی گئی۔ذرائع کے مطابق دریاؤں میں پانی کے بہا کا گزشتہ دس سال کا ریکارڈ ٹوٹنے سے دریائے سندھ، جہلم اور چناب میں سیلاب کا خدشہ پیدا ہو گیا، گزشتہ دس سال میں ان دنوں دریاؤں میں پانی کا بہا 3 لاکھ 28 ہزار کیوسک تک رہا، دریاؤں میں پانی کا مجموعی بہا 5 لاکھ 6 ہزار کیوسک ہے، صورتحال یہی رہی تو دریاں میں پانی کا بہا 7 لاکھ کیوسک تک جاسکتا ہے۔

دریائے سندھ میں پانی کا بہا دو لاکھ 80 ہزار کیوسک ہو چکا ہے، دریائے جہلم میں پانی کا بہا ایک لاکھ 22 ہزار کیوسک تک پہنچ چکا ہے، مون سون کی بارشیں غیر متوازن ہوسکتی ہیں جس کے باعث دریائی سیلاب آ سکتے ہیں، بارشوں کی کیفیت کہیں زیادہ کہیں کم ہونے کا امکان ہے، فی الاحال منگلا اور تربیلا میں پانی ذخیرہ کرنے کی کافی صلاحیت موجود ہے۔ذرائع آبی وسائل کے مطابق بعض مقامات پر کلاوڈ برسڈ کا خدشہ موجود ہے، دریاں کے نشیبی علاقوں میں سیلابی کیفیت پیدا ہوسکتی ہے، سیلابی خدشے کے پیش نظر پی ڈی ایم اے اور ضلعی انتظامیہ کو الرٹ جاری کر دیا گیا، سیلابی کیفیت سے نمٹنے کیلئے فیڈرل فلڈ کمیشن میں مانیٹرنگ سیل قائم کر دیا ہے۔