گوجرانوالہ(نیوزڈیسک)عیدالاضحی قریب آتے ہی چاقو چھریاں تیز کرنیوالوں کا کاروبار چمک اٹھا، دکاندار تو خوش ہیں کہ ان کا روزگار لگ گیا ‘مگر خریدار یہاں بھی مہنگائی کا رونا رو رہے ہیں ۔ تفصےلات کے مطابق عید قربان قریب آنے پر شہریوں کی بڑی تعداد جانور قربانی کرنے اور گوشت کاٹنے کیلئے چاقو ‘چھریاں اور ٹوکے تیز کروا رہے ہیں ۔ شہریوں کو شکایت ہے کہ عید آتے ہی چھریاں تیز کرنیوالوں نے بھی دام بڑھا دیئے ہیں ۔ اکثر مقامات پر گلینڈرز کے ذریعے چاقو اور چھریاں تیز کی جا رہی ہیں ۔ دکانداروں کا کاروبار خوب چل رہا ہے جن کا کہنا ہے کہ سال میں چند ہی دن یہ کاروبار ہوتا ہے ۔ مہنگائی کی شرح سے اجرت بڑھانا ان کی مجبوری ہے ۔چاقواور چھریاں تیز کرنے کے ساتھ شہری سیخیں اور انگیٹھیاں بھی خرید رہے ہیں ‘تاکہ قربانی کے بعد مزے مزے کے تکوں سے لطف اندوز ہو سکیں ۔

مزید پڑھئے: کراچی میں عید کے دوران بڑی پابندی لگا دی گئی