سکھر (این این آئی)پاکستان پیپلز پارٹی خورشید شاہ نے چیئرمین سینیٹ اور اسپیکر قومی اسمبلی کو مراعات کے بل کی حمایت کی ہے ۔صحافیوں سے گفتگو کرتے ہوئے پیپلز پارٹی کے رہنما نے کہا کہ چیئرمین سینیٹ اور اسپیکر کو مراعات ملنی چاہئیں،اس میں کیا مسئلہ ہے؟۔انہوں نے کہا کہ دوسروں کو مراعات ملیں تو اعتراض نہیں ہوتا کیونکہ آپ کی وہاں پہنچ نہیں ہوتی۔خورشید شاہ نے کہا کہ پارلیمنٹ سب سے بڑا فورم ہے، چیئرمین اور اسپیکر کو مراعات پر اعتراض نہیں ہونا چاہیے۔انہوں نے کہا کہ میں نے 35 سال میں آج تک ٹرانسپورٹ الائونس (ٹی اے) ڈیئرنیس الائونس (ڈی اے) اور مفت ادویات نہیں لیں۔حکمراں اتحاد میں اختلاف پر بات کرتے ہوئے خورشید شاہ نے کہا کہ پیپلز پارٹی اور ن لیگ میں کوئی اختلاف نہیں ہے۔