کراچی(این این آئی)وفاقی تحقیقاتی ادارے ایف آئی اے امیگریشن نے کراچی ایئرپورٹ پر کارروائی کرتے ہوئے قطر جانے والے مسافر کو آف لوڈ کر دیا، مسافر حیا ویزے پر قطر جا رہا تھا۔سوال کئے گئے تو مسافر قطر جانے کے حوالے سے امیگریشن حکام کو مطمئن نہ کرسکا، دوران تلاشی مسافر عمران علی کی جیب سے پاسپورٹ برآمد کرلیا گیا، جس پر شینگن کا جعلی ویزا لگا ہوا تھا۔ایف آئی اے حکام کے مطابق مذکورہ پاسپورٹ پر متعدد جعلی امیگریشن اسٹیمپ لگی ہوئی تھیں۔مسافر کو قانونی کارروائی کیلئے ایف آئی اے اینٹی ہیومن ٹریفکنگ سرکل کراچی منتقل کردیا گیا ۔