چکدرہ قلعہ(این این آئی)چکدرہ قلعہ میں توڑ پھوڑ میں ملوث شرپسند گوہر رحمان کو قانون نافذ کرنے والے اداروں نے گرفتار کر لیا،بھائی نے عوام سے چیئرمین پی ٹی آئی کے بہکائوے میں نہ آنے کی اپیل کی ہے۔

نومئی کے واقعات کے دوران چکدرہ قلعہ میں توڑ پھوڑ میں ملوث ایک اور شرپسند گوہر رحمان کو سکیورٹی اداروں کی جانب سے گرفتار کر لیا گیا۔گوہر کے بھائی طارق حسین نے ویڈیو بیان میں کہا کہ 9 مئی کے واقعے کی پرزور مذمت کرتا ہوں،میرا بھائی گزشتہ ایک سال سے چیئرمین کی تقریریں سن رہا تھا جس سے وہ بہکائوے میں آ گیا۔شرپسندی میں ملوث شخص کے بھائی نے افسوس کا اظہار کرتے ہوئے کہاکہ چیئرمین پی ٹی آئی نے گرفتار کارکنوں سے لاتعلقی کا اظہار کر دیا ہے، چیئرمین پی ٹی آئی اپنے ہی کارکنوں کو ایجنسیوں کے بندے بتا رہا ہے،میری لوگوں سے درخواست ہے کہ چیئرمین پی ٹی آئی کی باتوں میں نہ آئیں۔