لاہور، جنسی درندوں نے پانچ خواتین کو ہوس کا نشانہ بنا ڈالا

اسلام آباد (مانیٹرنگ ڈیسک/این این آئی) لاہور شہر میں حوا کی بیٹیوں سے جنسی درندگی کے واقعات میں کمی نہ آسکی، گزشتہ 48گھنٹوں کے دوران پانچ خواتین کو جنسی درندگی کا نشانہ بنایا گیا۔نجی ٹی وی ایکسپریس نیوز کے مطابق لاہورمیں خواتین سے جنسی زیادتیوں کے واقعات میں کمی نہ آسکی اور مزید پانچ خواتین جنسی درندوں کی ہوس کا نشانہ بن گئیں۔

پولیس کے مطابق لیاقت آباد کے علاقے میں شاہدنامی سفاک ملزم نے(ک)کو اس کے سسرال میں اکیلا پاکر اپنی ہوس کا نشانہ بنایا۔نواب ٹاؤن کے علاقے میں بھی شادی شدہ خاتون جنسی درندگی کی بھینٹ چڑھ گئی۔ پولیس کے مطابق ملزم عبداللہ (الف) نامی خاتون کو کپڑے کے کاروبار کا جھانسہ دے کر گھر لے گیا اور اس سے زیادتی کی۔

ایک اور واقعے میں سندر کے علاقے میں ملزم واجد نے طلاق یافتہ (ث)کو شادی کا جھانسہ دے کر جنسی زیادتی کا نشانہ بنایا۔شادباغ کے علاقے میں ملزم خرم نے (ع) نامی خاتون کو گھر میں گھس کر جنسی درندگی کا نشانہ بنانے کی کوشش کی مگر خاتون کے شور کرنے پر ملزم موقع سے فرار ہوگیا۔

چوہنگ کے علاقے میں سفاک ملزم وجاہت نے 14سالہ لڑکی (س) کو جنسی زیادتی کا نشانہ بنایا۔پولیس کے مطابق تمام واقعات کے علیٰحدہ علیٰحدہ مقدمات درج کرلیے گئے ہیں مگر اب تک کسی ملزم کی گرفتاری عمل میں نہیں آسکی۔

تھانہ کنگن پور کی حدود میں ملزمان کی ایک گھر میں گھس کر شادی شدہ عورت سے زیادتی پولیس نے مقدمہ درج کرلیا ۔انساں بی بی نے پولیس تھانہ میں مقدمہ درج کروایا ہے کہ میرا شوہر کھیتوں میں کام پر مصروف تھا میں اگھر میں اکیلی موجود تھی کہ ملزمان محمد آصف اپنے ایک نامعلوم ساتھی کے ساتھ میرے گھر میں زبردستی آیا

اور اپنے ساتھی کو گھر کے باہر کھڑا کرکے اندر آیا اور زبردستی مجھے برہنہ کرکے میرے ساتھ زیادتی کی اور پھر سنگین نتائج کی دھمکیاں دیتا ہوا وہاں سے فرار ہوگیا ہے ۔پولیس تھانہ کنگن پور نامزد ملزمان کے خلاف زناء بالجبر کا مقدمہ درج کرکے مصروف کاروائی ہے ۔