لاہور ( این این آئی) انسداد دہشت گردی عدالت نے جلائو گھیرائو اور توڑ پھوڑ کیس میں تحریک انصاف کے رہنما میاں محمود الرشید کو چودہ روزہ جوڈیشل ریمانڈ پر جیل بھجوانے کا حکم دے دیا۔انسدادِ دہشتگردی عدالت لاہورمیں تھانہ شادمان میں جلائو گھیرائو اور توڑ پھوڑمقدمہ کیس کی سماعت ہوئی۔میاں محمود الرشید کو 2روزہ جسمانی ریمانڈ کے بعد پیش کیا گیا۔تفتیشی افسرانسپکٹرشوکت نے مزید جسمانی ریمانڈ کی استدعا کی۔ تاہم عدالت نے محمودالرشید کے مزید جسمانی ریمانڈ کی استدعا مسترد کردی۔ عدالت نے محمود الرشیدکو14روزہ جوڈیشل ریمانڈ پر جیل بھجوانے کاحکم دیدیا۔