کراچی (این این آئی)سندھ حکومت نے9مئی کے واقعات میں جلنے والی گاڑیوں کے مالکان کو معاوضہ دینے کا فیصلہ کیا ہے۔تفصیلات کے مطابق 9مئی کے متاثرین کے لیے سندھ حکومت نے ریلیف پروگرام ترتیب دیا ہے جس میں جلائو گھیرائو کے دوران مظاہرین کی جانب سے نذرآتش کی جانے والی گاڑیوں کے مالکان کو معاوضہ دیا جائے گا۔کراچی میں9مئی کو شارع فیصل پر موٹرسائیکلیں اور ایک گاڑی جلانیکا واقعہ رپوٹ ہوا تھا جن افراد کی موٹرسائیکلیں جلائی گئیں ان کو نئی موٹرسائیکلیں دی جائیں گی۔وزیراعلی کے مشیر برائے قانون مرتضی وہاب نے کہا کہ9مئی کو پی ٹی آئی شرپسندوں نے نجی و سرکاری املاک کونقصان پہنچایا، موٹرسائیکل مالکان تفصیلات پولیس کیساتھ شیئر کر لیں۔