اسلام آباد(این این آئی)پاکستان ڈیموکریٹک موومنٹ (پی ڈی ایم)کے ترجمان حافظ حمد اللہ نے کہا ہے کہ عمران خان کی سیاست ایمپائر کی انگلی کے ارد گرد گھوم رہی تھی یہی وجہ ہے کہ آپ نے جنرل باجوہ کو تاحیات ایکسٹینشن کی پیشکش کی۔
نجی ٹی وی سے گفتگو کرتے ہوئے حافظ حمد اللہ نے کہا کہ 120دن کے دھرنے میں آپ کہتے تھے آج ایمپائر کی انگلی اٹھے گی کل اٹھے گی،حکومت جانے کے بعد مبینہ طور پر زلمے خلیل زاد کے کہنے پر 2بار ملاقات کی، پوری قوم جانتی ہے آپ کے شوق ایمپائر کی انگلی کے ساتھ تھے۔انہوں نے کہا کہ یہ بتائیں کہ وہ انگوٹھی جو آپ کی انگلی پر تھی اب کہاں ہے؟ وہ انگوٹھی اب دکھائی نہیں دے رہی؟ چکر کیا ہے؟ کیا گھر کے اندر سے پریس کانفرنس تو نہیں ہونے والی؟جیسے شیریں مزاری، فردوس عاشق نے کی،وہ سیاسی پریس کانفرنسز تھیں، اس پریس کانفرنس کو کیا نام دیں گے؟۔
