واشنگٹن (این این آئی) امریکا کو ڈیفالٹ سے بچانے کے لیے قرض حد مقرر کرنے کے بل پر اتفاق ہو گیا۔
امریکی میڈیا کے مطابق امریکی ڈیموکریٹ اور ری پبلکنز کا قرض حد مقرر کرنے کے بل پر اتفاق ہوا ہے ، اس بل پر اتفاق امریکی صدر بائیڈن اور سپیکر ایوان نمائندگان میک کارتھی کے درمیان ملاقات میں ہوا۔امریکی میڈیا کے مطابق اکتیس اعشاریہ چارٹریلین ڈالر کے قرض کی حد کو دو سال کیلئے بڑھانے پر اتفاق کیاگیا ہے ، سپیکر ایوان نمائندگان کاکہنا ہے کہ معاہدے کیمطابق اخراجات محدود کیے جائیں گے۔معاشی بحران پر قابو پانے کے لیے بل پر رائے شماری بدھ کو ہو گی۔میڈیا رپورٹس کے مطابق بل منظوری کے بعد امریکا پر ڈیفالٹ کا خطرہ ٹل جائے گا۔
