لاہور(این این آئی) پاکستان تحریک انصاف کے چیئرمین عمران خان نے کہا ہے کہ ایسے میں جب معیشت ہماری نگاہوں کے سامنے بکھر رہی ہے قوم پر مسلط فسطائی حکومت تحریک انصاف کو کچلنے کیلئے جبر و ستم کے نت نئے طریقوں کی ایجاد میں لگی ہوئی ہے، پی ڈی ایم قیادت کو روپے کی قدر میں اس تاریخی گراوٹ سے کچھ فرق نہیں پڑتاکیونکہ ناجائز طریقوں سے جمع کی گئی ان کی ساری دولت ڈالروں کی صورت میں بیرون ملک چھپائی گئی ہے۔

مرکزی میڈیا سیل کی جانب سے جاری بیان کے مطابق عمران خان نے کہا کہ اوپن مارکیٹ میں ڈالر 310روپے میں فروخت ہورہا ہے، ملک آج کل ریکارڈ کمر توڑ مہنگائی کے چنگل میں ہے، قرضوں کے حجم میں نہایت تیزی سے اضافہ ہورہا ہے جبکہ معیشت اسی تیزی سے سکڑ رہی ہے۔ انہوں نے کہا کہ ہماری مجموعی سالانہ آمدن تو اس سود کیلئے بھی ناکافی ہے جسے ہمیں اپنے قرضوں پر ادا کرنا ہے،

ایسے میں جب معیشت ہماری نگاہوں کے سامنے بکھر رہی ہے قوم پر مسلط فسطائی حکومت تحریک انصاف کو کچلنے کیلئے جبر و ستم کے نت نئے طریقوں کی ایجاد میں لگی ہوئی ہے۔پی ڈی ایم قیادت کو روپے کی قدر میں اس تاریخی گراوٹ سے کچھ فرق نہیں پڑتا،ناجائز طریقوں سے جمع کی گئی ان کی ساری دولت ڈالروں کی صورت میں بیرون ملک چھپائی گئی ہے،پی ڈی ایم قائدین کیلئے روپے کی قدر میں گراوٹ سود مند ہے، پاکستان کے عوام غربت اور مہنگائی کے بوجھ تلے کچلے جائیں گے۔