پشاور (این این آئی)خیبرپختونخوا میں فوجی تنصیبات اور قومی ہیروز کے مجسموں کی بیحرمتی میں ملوث 16 ملزمان کے کیسز فوجی عدالتوں میں چلیں گے۔سرکاری حکام کے مطابق مردان میں 6 افراد پر فوجی عدالتوں میں کیسز چلیں گے۔مردان میں شاہ زیب، رحمت اللہ، عدنان، شاکر اللہ، سید عالم اور یاسر نواز کے کیسز فوجی عدالت میں چلیں گے۔

حکام نے بتایا کہ مردان کی انسداد دہشتگردی عدالت نے فوجی عدالت میں مقدمات چلانے کی درخواست منظور کرلی ہے۔پولیس نے ملزمان کو مردان کے مختلف علاقوں سے گرفتار کیا تھا۔مالاکنڈ، دیر اور بنوں سے گرفتار 10 ملزمان پر فوجی عدالتوں میں کیس چلیں گے۔حکام نے کہا کہ مالاکنڈ سے 4، دیر سے 3 اور بنوں سے 3 ملزمان کو گرفتار کیا گیا تھا۔حکام نے کہا کہ ملزمان پر فوجی اور دیگر تنصیبات پر حملے کرنیکا الزام ہے، اب تک 16 ملزمان کے کیسز کو فوجی عدالتوں میں چلانے کی منظوری ملی ہے۔

موضوعات:فوجی عدالت