لاہور(این این آئی)پاکستان تحریک انصاف کی گرفتار سینئر رہنما مسرت جمشید چیمہ کا پارٹی چھوڑنے کی خبروں کے حوالے سے موقف سامنے آگیا ۔ فیملی ذرائع کے مطابق تحریک انصاف کی سینئر رہنما مسرت جمشید چیمہ نے پارٹی چھوڑنے کی خبروں کی تردید کر دی ہے ۔ فیملی ذرائع کے مطابق پارٹی چھوڑنے کیلئے شدید دبائو ڈالا جارہا ہے ،مسرت چیمہ کا پارٹی چھوڑنے کا کوئی ارادہ نہیں ہے ۔
فیملی ذرائع کے مطابق جمشید اقبال چیمہ اور مسرت جمشید چیمہ کو الگ الگ رکھا گیا ہے اوردونوں کی ملاقات نہیں ہونے دی جارہی ۔ فیملی ذرائع کے مطابق پارٹی کو بالکل بھی نہیں چھوڑا ،عمران خان کے ساتھ کھڑے رہنے کا عزم ظاہر کیا ہے ۔فیملی ذرائع کے مطابق جمشید اقبال چیمہ جیل سے باہر آنے کے بعد خود موقف دیں گے اور آئندہ کا لائحہ عمل بھی بتائیں گے۔
