لاہور( این این آئی)سیشن کورٹ لاہور نے ایف آئی اے منی لانڈرنگ کیس میں سابق وفاقی وزیر چودھری مونس الٰہی کی اہلیہ تحریم الٰہی سمیت 8 ملزمان کی عبوری ضمانت میں30مئی تک توسیع کر دی جبکہ عدالت نے ایف آئی اے کے تفتیشی کوجلد تفتیش مکمل کرنے کا حکم دیدیا۔

عدالت نے چودھری مونس الٰہی کے بھائی چودھری راسخ الٰہی کی ایک روزہ حاضری معافی کی درخواست منظورکرلی۔عدالت میں موقف اختیارکیا گیا کہ راسخ الٰہی کی طبیعت ناساز ہے،عدالت پیش نہیں ہوسکتے۔ ملزمان کے خلاف ایف آئی اے نے منی لانڈرنگ کا مقدمہ درج کر رکھا ہے۔

موضوعات:چودھری مونس الٰہی