اسلام آباد (این این آئی) پٹرولیم مصنوعات کی قیمتوں میں کمی سے عوام کو پبلک ٹرانسپورٹ کے کرایوں کی مد میں کوئی ریلیف نہ مل سکا ،مسافر تاحال پرانے کرائے دینے پر مجبور ہیں۔

تفصیلات کے مطابق پیٹرولیم مصنوعات کی گزشتہ قیمتوں میں اضافے پرپبلک ٹرانسپورٹرز نے کرایوں میں 2سو روپے تک اضافہ کیا تھا،مگرپٹرول کی قیمتیں کم ہونے پرکرائے کم کرنے کیلئے ٹال مٹول سے کام لے رہے،عوام نے کرایوں میں کمی کا مطالبہ کیا۔لاہورسے راولپنڈی تک کا کرایہ 2ہزار550روپے،پشاور تک 3200،بہاولپورتک 2500اورفیصل آباد تک 1ہزار 180روپے وصول کیا جا رہا ہے، ٹرانسپوٹرزکا کہنا ہیکہ کرایوں میں کمی کا لائحہ عمل تیارکیا جا رہا ہے۔جلد مشاورت سے نیا کرایہ نامہ جاری کر دیا جائے گا۔عوام نے مطالبہ کیا ہے کہ پیٹرولیم مصنوعات کی قیمتوں میں اضافہ پرٹرانسپورٹرزجس تیزی سے کرائے بڑہا تے ہیں ویسے ہی قیمتوں میں کمی پرکرائے کم کرنے میں پھرتی کیوں نہیں دکھاتے تاکہ انہیں فوری ریلیف مل سکے۔