کراچی(نیوزڈیسک) قومی کرکٹ ٹیم کے چیف سلیکٹر ہارون رشید نے سینئر بیٹسمین یونس خان کی پاکستانی سائیڈ میں واپسی کیلئے انوکھی شرط عائد کرتے ہوئے کہا ہے کہ وہ اسی وقت واپس آ سکتے ہیں جب وہ ٹیم کے پندرہ کے بجائے حتمی گیارہ کھلاڑیوں میں جگہ بنانے کے اہل ہوں۔ان کا کہنا تھا کہ یونس خان کی واپسی کی باتیں اس وجہ سے ہو رہی تھیں کہ شاید حج پر جانے والے اظہرعلی،اسد شفیق اور سرفراز احمد زمبابوے کیخلاف نہ کھیل سکیں مگر چونکہ تینوں کھلاڑی قومی ٹیم کا حصہ ہیں لہٰذا سری لنکا میں کامیاب ہونے والے وننگ کامبی نیشن کو برقرار رکھا گیا ہے ۔