اسلام آباد(مانیٹرنگ ڈیسک )توشہ خان کیس کی سماعت کرنے والے ایڈیشنل جج ظفر اقبال کی اہلیہ کی مبینہ آڈیومنظر عام پر آگئی جس میں اہلیہ نادیہ ظفر، شاہین پروین نامی خاتون کیساتھ بات چیت کر رہی ہیں ، مذکورہ مبینہ آڈیو میں سنا جا سکتا ہے کہ ’’ کیس ظفر کے پاس لگا ہوا ہے ‘ ۔ جس پر شاہین پروین کی جانب سے کہا جاتا ہے کہ جی بالکل ۔ نادیہ ظفر نے کہا کہ یہی وجہ ہے کہ ہم نے نقل و حرکت کم کی ہوئی ہے ہماراپلان ہے کہ ایک دفعہ اللہ پاک اسے سرخرو کرے ۔ نجی ٹی وی کے مطابق نادیہ ظفر نے کہا کہ آپ کے پاس ریلیکس ہونے ضرور آئیں گے۔ جس کے جواب میں شاہین پروین کہتی ہیں کہ جی ضرور کہا۔شاہین پروین نے کہا کہ ’اس وقت وہ (عمران خان) ذہنی تناؤ کا شکار ہیں۔ اس پر نادیہ ظفر نے کہا کہ کاشف بھائی سے بھی ظفر کی بات ہوتی رہتی ہے۔