اسلام آبا د(این این آئی)اداکارہ عفت عمر پاکستان تحریک انصاف کے چیئرمین پر سخت تنقید کرتے ہوئے کہا ہے کہ عمران خان نے اپنے سپورٹرز کا دماغی توازن اتنا خراب کردیا ہے کہ انہوں نے میری ماں کی پوسٹ کو بھی نہیں بخشا۔میں اداکارہ نے انسٹاگرام پر ویڈیو پیغام جاری کرتے ہوئے کہا کہ پی ٹی آئی کے سپورٹرز اتنے ظالم ہیں کہ انہوں نے میری ماں کی پوسٹ کو بھی نہیں بخشا۔
یاد رہے کہ گزشتہ روز ماؤں کے عالمی دن کے موقع پر عفت عمر نے اپنی والدہ کی تصویر شیئر کرتے ہوئے انہیں خراج تحسین پیش کیا تھا۔اداکارہ نے کہا کہ میں نے ماں کے عالمی دن پر اپنی والدہ کی تصویر لگائی تھی لیکن پی ٹی آئی کے سپورٹرز اتنے ظالم ہیں، ان کے لیڈر نے پی ٹی آئی کارکنوں کا دماغی توازن اتنا خراب کردیا ہے کہ انہوں نے میری ماں کی پوسٹ کو بھی نہیں بخشا۔انہوں ویڈیو جاری کرتے ہوئے الزام لگایا کہ آپ لوگوں نے مجھے، میرے خاوند، اور میری اولاد تک کو نہیں بخشالیکن ماں ایک ایسی ہستی ہے جس پر سب کو شرم آجاتی ہے۔عفت عمر نے کہا کہ عمران خان اور ان کے سپورٹرز کو کسی بات پر شرم آئے، یہ ممکن نہیں۔
