اسلام آباد (این این آئی)حکومتی اتحاد کی دو بڑی جماعتوں مسلم لیگ (ن) اور پیپلز پارٹی نے اپنے تمام پارلیمنٹرینز کو دھرنے میں شرکت کی ہدایت کر دی۔تفصیلات کے مطابق پاکستان ڈیموکریٹک موومنٹ کی جانب سے (آج)پیر کو سپریم کورٹ کے باہر دھرنے کا اعلان کیا گیا ،
پاکستان پیپلز پارٹی نے اپنے تمام ارکان قومی اسمبلی اور سینیٹرز کو دھرنے میں شرکت یقینی بنانے کی ہدایت کر دی ہے، پیپلز پارٹی کی اعلیٰ قیادت بھی دھرنے میں شریک ہو گی۔دوسری جانب مسلم لیگ (ن) نے بھی سندھ کے پارٹی رہنماؤں، عہدیداروں اور ارکان پارلیمنٹ کو دھرنے میں شریک ہونے کا حکم دیدیا ہے۔ دوسری جانب سندھ سے جے یو آئی کے قافلے بھی (آج)پیر تک اسلام آباد پہنچیں گے۔
