اسلام آباد (این این آئی)ایم کیوایم پاکستان کے ارکان قومی اسمبلی صابر قائم خانی اور صلاح الدین کی گاڑی پر گذشتہ رات اسلام آباد میں شرپسندوں کے حملے سے گاڑی کو نقصان پہنچا ۔ ترجمان ایم کیو ایم کے مطابق شرپسندوں کے حملے سے گاڑی کو شدید نقصان پہنچا۔
کنوینر ایم کیوایم پاکستان ڈاکٹرخالدمقبول صدیقی نے ارکان قومی اسمبلی پر حملے کی شدید الفاظ میں مذمت کی اور وفاقی وزیر داخلہ راناثناء اللہ سے رابطہ کیا ،ڈاکٹرخالدمقبول صدیقی نے وفاقی وزیرداخلہ کو ایم کیوایم پاکستان کے ارکان قومی اسمبلی پر حملے کی تفصیلات سے آگاہ کیا۔ڈاکٹر خالد مقبول صدیقی نے کہاکہ وفاقی وزیر داخلہ فی الفور ایم کیوایم پاکستان کے ارکان اسمبلی کی حفاظت کا بندوبست کریں۔ ڈاکٹر خالد مقبول صدیقی نے مطالبہ کیا کہ ایم کیوایم پاکستان کے ارکان اسمبلی پر حملے میں ملوث عناصر کوفی الفور گرفتارو بے نقاب کیا جائے۔
