لاہور ،اسلام آباد (مانیٹرنگ ڈیسک ، این این آئی)لاہور سے تحریکِ انصاف کے رہنما میاں محمود الرشید کو آج صبح گرفتار کر لیا گیا۔لاہور پولیس کے ذرائع کے مطابق میاں محمود الرشید کو ڈیفنس کے علاقے سے گرفتار کیا گیا ہے۔

ذرائع کے مطابق میاں محمود الرشید کے خلاف 9 مئی کے واقعات میں ایک شخص کی ہلاکت کا مقدمہ درج ہے۔یاد رہے کہ پی ٹی آئی کے سینئر رہنما شاہ محمود قریشی، اسد عمر، فواد چوہدری، اعجاز چوہدری اور دیگر بھی گرفتار ہیں۔علاوہ ازیں اسلام آباد پولیس نے پاکستان تحریک انصاف کے سینیٹرسیف اللہ خان نیازی کو گرفتار کرلیا۔پی ٹی آئی اعلامیے کے مطابق سیف اللہ خان نیازی کواسلام آبادپولیس نے گرفتار کیا اور انہیں نامعلوم مقام پر منتقل کرنے کا بتایاگیا۔