اسلام آباد (این این آئی)سابق وزیراعظم و مسلم لیگ (ن) کے قائد نواز شریف نے چیف جسٹس پاکستان جسٹس عمر عطابندیال کے سابق وزیراعظم عمران خان سے متعلق ریمارکس پر ردعمل کا اظہار کرتے ہوئے کہاہے کہ ’’گڈ لک ود یور 60 بلین روپیز‘‘ ۔

تفصیلات کے مطابق گزشتہ روز سپریم کورٹ میں پیشی کے موقع پر چیف جسٹس پاکستان جسٹس عمر عطا بندیال نے تحریک انصاف کے چیئرمین عمران خان سے مکالمہ کرتے ہوئے کہا کہ ویلکم خان صاحب! آپ کو دیکھ کر خوشی ہوئی۔کابینہ اجلاس میں چیف جسٹس عمر عطا بندیال کے عمران خان کیلئے ’’آپ کو دیکھ کرخوشی ہوئی‘ ‘سمیت دیگرکلمات کی شدید مذمت کی گئی ہے۔اب سابق وزیراعظم نواز شریف نے میڈیا سے گفتگو میں چیف جسٹس عمر عطابندیال کے سابق وزیراعظم عمران خان سے متعلق ریمارکس پر ردعمل کا اظہار کرتے ہوئے کہاکہ چیف جسٹس نے عمران خان کو یہ تو کہا کہ آپ کودیکھ کرخوشی ہوئی، یہ بھی کہہ دیتے کہ آپ 60 ارب روپے لوٹ کرآئے ہیں،آپ سے مل کربڑی خوشی ہوئی۔صحافی کے سوال پر انہوں نے جواب دیا کہ ’’گڈ لک ود یور 60 بلین روپیز‘‘۔