اسلام آباد (این این آئی)تحریک انصاف کی رہنما مسرت جمشید چیمہ اور چیئرمین عمران خان کی گزشتہ روز 10 مئی کی مبینہ آڈیو سامنے آگئی ہے۔آڈیو میں چیئرمین پی ٹی آئی عمران خان اور مسرت چیمہ کی گفتگو کی تفصیل سامنے آگئی جس کے مطابق عمران خان نے کہاکہ ہاں مسرت صورتحال کیا ہے

ان کو پہنچ گئی میسج؟۔مسرت جمشید چیمہ نے جواب دیا کہ سر میں نے میسج پہنچایا ہے۔مسرت جمشید چیمہ نے کہاکہ ادھر ہائی کورٹ میں بیٹھے ہوئیہیں، ہم کہہ رہے ہیں کہ ہم نہیں جائیں گے، کسی صورت بھی عمران خان کو پیش کریں۔عمران خان نے کہاکہ نہیں، لیکن وہ خواجہ حارث ہے وہاں؟ مسرت جمشید چیمہ نے کہاکہ خواجہ حارث، سلمان صفدر دونوں میرے ساتھ ہیں، میں ان کیساتھ بیٹھی ہوں، بات کراسکتی ہوں۔عمران خان نے کہاکہ اعظم سواتی سیبات کریں کہ سپریم کورٹ میں بھی اس پریہ ضرور کریں، یہ جو انہوں نیکیا ہے بالکل غیرقانونی چیز ہے۔مسرت جمشید چیمہ نے کہاکہ جی بالکل بالکل، سرآپ بے فکر ہوجائیں۔عمران خان نے کہاکہ یہ کیا کر رہاہے، یہ جو چیف جسٹس ہے ان سے آرڈر لیتا ہے۔خیال رہے کہ نیب نے 9 مئی کو عمران خان کو القادر ٹرسٹ کرپشن کیس میں اسلام آباد ہائیکورٹ سے حراست میں لیا تھا جبکہ سپریم کورٹ نے عمران خان کی گرفتاری کو غیر قانونی قرار دیتے ہوئے رہائی کا حکم دیا ہے اور عمران خان کو (آج) جمعہ کو اسلام آباد ہائیکورٹ میں پیش ہونے کا حکم دیا ہے۔