لاہور ( این این آئی)لاہور میں پٹرولیم مصنوعات کی قلت کا خدشہ پیدا ہوگیا۔ پیٹرولیم ڈیلز کے مطابق موجودہ صورتحال کے باعث آئل مارکیٹنگ کمپنیز کی جانب سے ترسیل نہیں ہو پا رہی۔
ترجمان پٹرولیم ڈیلرز ایسوسی ایشن جہانزیب ملک کے مطابق آئل مارکیٹنگ کمپنیز کی جانب سے ترسیل نہ ہونے سے لاہور میں پٹرولیم مصنوعات کی قلت پیدا ہوسکتی ہے، اگر آج (جمعرات ) تک ترسیل نہ ہوئی تو پچاس فیصد سے زائد پٹرول پمپ بند ہو جائیں گے۔ترجمان نے کہا کہ پیٹرول کی قلت کی وجہ ملک کی موجودہ صورتحال ہے۔آئل ماکیٹنگ کمپنیز کے ترجمان ندیم مرزا نے بھی موجودہ حالات کو پیٹرول کی سپلائی میں کمی کی وجہ قرار دیتے ہوئے کہا کہ ہر پندرہ دن بعد قیمتوں میں ردوبدل کا خدشہ ہونے سے بھی پٹرول کے آرڈرز کم ہیں۔
