کراچی(این این آئی)کراچی کے میئرکیلئے پاکستان تحریک انصاف کنگ میکر پوزیشن پر آگئی۔بلدیاتی الیکشن کے بعد میئر کراچی کیلئے 124ووٹوں کی سادہ اکثریت کسی جماعت کے پاس نہیں ہے۔میئر کراچی کے معاملے پر پی ٹی آئی نے پیپلز پارٹی کے سوا تمام سیاسی جماعتوں کیلیے دروازے کھلے رکھنے کا فیصلہ کیا ہے۔
صدر پی ٹی آئی کراچی آفتاب صدیقی نے کہا کہ جماعت اسلامی سمیت جسے بھی حمایت چاہیے وہ رابطہ کرسکتی ہے۔انہوں نے کہا کہ جنہیں حمایت چاہیے وہ ہماری جماعت اور اعلی قیادت کے خلاف غلط گفتگو نہ کرے۔آفتاب صدیقی نے کہا کہ جس جماعت کو بھی ہماری حمایت حاصل ہوگی وہ مئیر کراچی بنانے کی پوزیشن میں ہوگی۔
