لاہور (مانیٹرنگ ڈیسک) چیف جسٹس عمر عطابندیال کانفرنس میں شرکت کے بعد آڈیو لیکس سے متعلق سوال پر لبوں پر انگلی رکھ کر خاموش رہنے کا اشارہ کرکے چلے گئے۔ کانفرنس کے بعد روانہ ہوتے وقت صحافی نے چیف جسٹس سے سوال کیا کہ آڈیو لیکس ہوتی ہے، آپ کے خلاف پروپیگنڈا کیا جا رہا ہے؟
جس پر چیف جسٹس نے جواب دیا کہ بس آپ دعا کریں۔ سوال نے مزید سوال پوچھا کہ کبھی آڈیو لیکس، کبھی یہ کبھی وہ پروپیگنڈا، آپ سمجھتے ہیں کہ حالات کو کچھ بہتر کیا جاسکتا ہے؟ اس سوال پر چیف جسٹس عمر عطا بندیال نے لبوں پر انگلی رکھ کرخاموش رہنے کا اشارہ کیا اور گاڑی کی طرف بڑھ گئے۔
