کیف (اے ایف پی) یوکرین نے گزشتہ روز دعویٰ کیا ہےکہ اس نے پہلی بار روسی ہائپر سونک کنزال میزائل کو گزشتہ بدھ اور جمعرات کی درمیانی شب روسی حملوں کے دوران مار گرایا۔
روسی صدر ولادیمیر پوتن نے 2018ءمیں کنزال میزائل کی نقاب کشائی کے موقع پر انہیں مثالی ہتھیار قرار دیا تھا،جسے میزائل ڈیفنس کے لیے روکنا انتہائی مشکل ہے۔یوکرین کے جنرل میکولا اولیشچک نے ٹیلی گرام پر کہا کہ میں یوکرین کے عوام کو تاریخی واقعہ پر مبارکباد پیش کرتا ہوں۔ہاں، ہم نے بے مثال کنزال” میزائل کو مار گرایا۔یوکرین کی فضائیہ نے کہا کہ میزائل کو جمعرات کی صبح تقریباً 2بج کر30 منٹ پرکیف کے اوپر فضاء میں پیٹریاٹ ایئر ڈیفنس سسٹم کی مدد سے میزائل مار گرایا گیا۔یوکرین نے اپنے مغربی اتحادیوں سے اس کے فضائی دفاعی نظام کو مضبوط بنانے میں مدد کی اپیل کی ہے ۔
