کراچی(آئی این پی) ملک بھر میں جاری ڈیجیٹل خانہ و مردم شماری میں کراچی کی ابتک کی آبادی 1 کروڑ 82 لاکھ سے زائد ہو گئی۔یہ بات ڈائریکٹر ادارہ شماریات سندھ منور علی گھانگرو نے ایک نجی ٹی وی سے گفتگو کے دوران بتائی ہے۔

انہوں نے بتایا کہ مردم شماری کا عمل 15 مئی تک جاری رہے گا۔ ڈائریکٹر ادارہ شماریات سندھ منور علی گھانگرو نے تازہ اعداد و شمار بتاتے ہوئے کہا کہ کراچی کی اب تک کی آبادی ایک کروڑ 82 لاکھ سے زائد نفوس پر مشتمل ہے۔ ان کا مزید کہنا ہے کہ سندھ بھر کی آبادی 5 کروڑ 50 لاکھ سے تجاوز کر چکی ہے۔ ڈائریکٹر ادارہ شماریات سندھ منور علی گھانگرو نے یہ بھی بتایا ہے کہ حیدر آباد کی اب تک کی آبادی ایک کروڑ 20 لاکھ سے زائد ہے۔