لاہور( این این آئی)محکمہ انسداد دہشتگردی پنجاب نے خفیہ اطلاع پر آپریشن کرکے لاہور سمیت دیگر شہروں سے 11 دہشتگردوں کو گرفتار کرلیا ۔گرفتار دہشتگردوں کا تعلق کالعدم القاعدہ اور ٹی ٹی پی سے ہے ۔
ترجمان سی ٹی ڈی کے مطابق دہشتگردوں کے قبضے سے دھماکا خیز مواد، ہینڈ گرینیڈ ، پملفٹ اور دیگر سامان برآمد کرلیا گیا۔ دہشتگردوں کے خلاف لاہور، بہاولپور، گوجرانوالہ، راولپنڈی اور ساہیوال میں 10مقدمات ہیں۔دہشتگرد نیٹ ورک حساس شہروں میں دہشتگردی کا منصوبہ بناچکے تھے۔ترجمان کے مطابق رواں ہفتے کو مبنگ آپریشن کے دوران 100 مشتبہ افراد کو گرفتار کرلیا گیا جبکہ اس دوران 76ایف آئی آرزدرج کی گئیں۔
