برسلز(این این آئی)بین الاقوامی پولیس یوروپول نے ڈارک ویب مارکیٹ مونوپولی کے خلاف کارروائیاں کرتے ہوئے 288 مشتبہ افراد کو گرفتار کرلیا، بھاری مقدار میں منشیات، نقد رقم اور اسلحہ بھی برآمد کر لیا گیا ۔میڈیارپورٹس کے مطابق ایک بیان میں یوروپول نے کہا کہ گرفتار مشتبہ افراد ڈارک ویب پر منشیات کی خرید و فروخت میں ملوث رہے ہیں۔بین الاقوامی پولیس یوروپول کے مطابق کارروائیوں کے دوران 54 ملین ڈالر سے زائد نقد رقم اور ورچوئل کرنسی، 1 ٹن منشیات اور 117 آتشیں اسلحہ بھی برآمد کیے گئے ہیں۔یوروپول کے مطابق کارروائی میں امریکا اور یورپ سمیت 9 ممالک کے اہلکاروں نے حصہ لیا، مشتبہ افراد کو یورپ، برطانیہ، امریکا، برازیل سے گرفتار کیا گیا۔