لندن (این این آئی)وزیراعظم شہبازشریف جمعرات کو لندن میں مسلم لیگ (ن) کے قائد محمدنوازشریف سے ملاقات کریں گے جس میں پی ٹی آئی سے مذاکرات کے بعد کی صورتحال پرمشاورت ہوگی ۔ملاقات میں انتخابات کے ایک ہی تاریخ پر انعقاد کے حوالے سے اتحادیوں میں پائے جانیوالے اختلافات پربھی مشاورت ہوگی،
اس کے علاوہ حکمران اتحاد میں شامل جماعتوں کیساتھ بطوراتحادی الیکشن میں جانے یا نہ جانے پربھی مشاورت کی جائے گی۔نواز شریف اور شہباز شریف کی ون آن ون ملاقات کے علاوہ پارٹی اجلاس بھی ہو گاجس میں مریم نواز، رانا ثنااللہ، خواجہ آصف سمیت دیگر پارٹی رہنماء ویڈیو لنک کے ذریعے شریک ہوں گے۔وزیر اعظم شہبازشریف برطانیہ کے شاہ چارلس کی تاج پوشی کی تقریب میں شرکت کریں گے۔
