لاہور( این این آئی)سابق وزیر داخلہ شیخ رشید احمد نے کہا کہ پی ڈی ایم ٹوٹ پھوٹ کاشکار ہوچکی ہے ، حکومت منظم سازش کے تحت عدلیہ کونشانہ بنارہی ہے ،عدلیہ جیتے گی آئین اورقانون جیتے گااور الیکشن ہو کررہیں گے،بلاول مغرب کی پالیسی اور حنا ربانی مشرق کی بات کر رہی ہیں

(ن)لیگ مذاکرات پربھی انتشار کاشکار ہے، آئی ایم ایف کی ساری شرائط غریب عوام پر لگ چکی ہیں نتیجہ صفر ہے۔ ٹوئٹر پر جاری اپنے بیان میں شیخ رشید نے کہا کہ حساس اداروں کواحساس ہے اب سیاست کانہیں ریاست کامسئلہ پیداہوگیاہے ،موجودہ حکومت کی ہرشعبے میں نااہلی عیاں ہوچکی،شاہد خاقان عباسی کامفت آٹا سکیم میں20ارب روپے غبن کے الزام پروزیراعظم تحقیقات کاحکم دیں، آئی ایم ایف سے جھنڈی ہے ،دوست ممالک ہاتھ نہیں پکڑارہے ،فیصلہ ہوناچاہیے بکتربندگاڑیاں کس کے حکم پرگھروں کے دروازے توڑتی ہیں۔ انہوں نے کہا کہ مذاکرات کاوقت بدلنابھی ایک مزیددن ضائع کرنے کے مترادف ہے ،جب نیت خراب ہوتوبدنیتی کے فیصلے کیے جاتے ہیں، بھائی وزیراعظم ہوتونوازشریف کوآنے سے کون روک رہاہے ،ہنگامی بنیادوں پرمحکمہ اوقاف نے4تاریخ کولاہور میں لال حویلی کاکیس لگایاہے ،پہلے ہی کہہ چکاہوں مئی اہم ہے،10مئی تک پتالگ جائے گا ،آرہوگایاپارہوگا۔