کراچی(این این آئی)نیوزی لینڈ کرکٹ ٹیم خصوصی پرواز میں اسلام آباد سے کراچی پہنچ گئی تاہم قومی ائیر لائنز (پی آئی اے) انتظامیہ کی نااہلی کے باعث مہمان ٹیم آدھے گھنٹے تک طیارے میں ہی انتظار کرتی رہی۔نیوزی لینڈ کرکٹ ٹیم خصوصی پرواز پی کے 6367 سے کراچی آئی، طیارے نے سہہ پہر 3 بج کر 15 منٹ پر کراچی لینڈ کیا۔نیوزی لینڈ کے کھلاڑیوں کو طیارے سے اتارنے کیلئے سیڑھی منگوائی گئی تاہم سیڑھی آدھے گھنٹے بعد پہنچی۔اس دوران مہمان ٹیم کے کھلاڑی طیارے میں ہی انتظار کرتے رہے اور سیڑھی آدھے گھنٹے بعد پہنچائی گئی۔