اسلام آباد (این این آئی)الیکشن کمیشن نے پنجاب اور خیبرپختونخوا (کے پی) میں انتخابات کے لیے فنڈز فراہمی سے متعلق رپورٹ سپریم کورٹ میں جمع کرا دی۔ذرائع کے مطابق الیکشن کمیشن کی جانب سے فنڈز فراہمی سے متعلق رپورٹ گزشتہ رات جمع کرائی گئی۔ذرائع کے مطابق الیکشن کمیشن کی دو صفحات کی پیش رفت رپورٹ میں فنڈز نہ ملنے کا بتایا گیا ہے۔الیکشن کمیشن نے سپریم کورٹ کو آگاہ کر دیا کہ انتخابات کے لیے فنڈز نہیں مل سکے۔خیال رہے کہ سپریم کورٹ نے فنڈز سے متعلق رپورٹ کے لیے سیکرٹری الیکشن کمیشن کو نوٹس جاری کیا تھا۔