لاہور (آن لائن) کبڈی ورلڈ کپ میں کامیابی پرقومی ٹیم کو مبارکباد اور کھلاڑیوں کو انعامات دینے کے مطالبے کی قرارداد پنجاب اسمبلی سیکرٹریٹ میں جمع کرا دی گئی ۔ لیگی رکن اسمبلی راحیلہ خادم حسین کی جانب سے جمع کرائی گئی قرارداد کے متن میں کہا گیا ہے کہ پاکستان کبڈی ٹیم ورلڈ کپ میں
بھارت کو شکست دینے پر مبارکباد کی مستحق ہے ۔پاکستان کا سر فخر سے بلند کرنے پر قومی ٹیم کو خراج تحسین پیش کرتے ہیں ۔ پاکستانی ٹیم نے پنجاب کے روایتی کھیل میں نئی تاریخ رقم کی ہے ۔مطالبہ ہے کہ وفاقی و صوبائی حکومتیںکبڈی کھلاڑیوں کیلئے انعامات کا اعلان کریں۔
