پی سی بی نے پی ایس ایل کے آئندہ تین ایڈیشنز کے میڈیا رائٹس دو بڑی کمپنیوں کو دیدئیے ،رقم گزشتہ معاہدوں کے مقابلے میں کتنی زیادہ ہے؟ حیرت انگیزانکشاف

  جمعہ‬‮ 21 دسمبر‬‮ 2018  |  18:54

لاہور(این این آئی) پاکستان کرکٹ بورڈ نے پاکستان سپر لیگ کے آئندہ تین ایڈیشنز کے میڈیا رائٹس بلٹس ایڈورٹائزنگ اور ٹیک فرنٹ کو دیدئیے ۔پی سی بی کی جانب سے جاری اعلامیے کے مطابق پی ایس ایل 2019 سے 2021 تک کے ایڈیشنز کے میڈیا رائٹس بلٹس ایڈورٹائزنگ اور ٹیک فرنٹ کے پاس ہوں گےتاہم طے پائے جانے والے معاہدے کی مالیت کو خفیہ رکھا گیا ہے۔میڈیا رائٹس گزشتہ تین سالہ معاہدوں کے مقابلے میں 358 گنا زیادہ ہے جبکہ مقامی اور غیرملکی وہ ٹی وی چینلز جو پی ایس ایل 2019 کا ایڈیشن دکھائیں گے ان کے حوالے سے


معاملات جلد طے پاجائیں گے۔بلٹس ایڈورٹائزنگ پاکستان کی سب سے بڑی کمیونی کیشن گروپ سروس ہے جو ملک بھر میں موجود ہے جبکہ ٹیک فرنٹ متحدہ عرب امارات کے گلوبل سپورٹس کامرس سے وابستہ ہے۔چیئرمین پی سی بی احسان مانی کا کہنا ہے کہ پی ایس ایل میڈیا رائٹس اور لائیو اسٹریمنگ رائٹس کے حوالے سے ہم اپنے اہداف کے حصول میں کامیاب ہوگئے۔ہم ہدف سے زیادہ حاصل کرنے میں کامیاب ہوئے ہیں، معاہدہ اس بات کا ثبوت ہے کہ شائقین اور اسپانسرز کی پی ایس ایل میں گہری دلچسپی برقرار ہے، نشریاتی حقوق میں دلچسپی لینے والے تمام امیدواروں کے شکر گزار ہیں۔ یاد رہے کہ گزشتہ 3 سال کے لئے 15 ملین ڈالر کا معاہدہ ہوا تھا۔  پاکستان کرکٹ بورڈ نے پاکستان سپر لیگ کے آئندہ تین ایڈیشنز کے میڈیا رائٹس بلٹس ایڈورٹائزنگ اور ٹیک فرنٹ کو دیدئیے ۔پی سی بی کی جانب سے جاری اعلامیے کے مطابق پی ایس ایل 2019 سے 2021 تک کے ایڈیشنز کے میڈیا رائٹس بلٹس ایڈورٹائزنگ اور ٹیک فرنٹ کے پاس ہوں گے تاہم طے پائے جانے والے معاہدے کی مالیت کو خفیہ رکھا گیا ہے۔

موضوعات:

loading...