گوجرانوالہ(آئی این پی ) روایتی کشتی اور پہلوانی کے حوالے سے مشہور شہر گوجرانوالہ میں ایک اکھاڑے کو ویسٹ انڈین کرکٹر اور پی ایس ایل ٹیم کے کپتان ڈیرن سامی سے منسوب کردیاگیا۔ پہلوان کے مطابق انٹرنیشنل کرکٹ کی خوشیاں پاکستان لانے میں سامی کا اہم کردار ہے۔ ورلڈ الیون اور پاکستان کے

درمیان سیریز کے حوالے سے مہمان کھلاڑیوں سے محبت کا اظہار بھی دل کھول کر کیا جا رہا ہے۔گوجرانوالہ میں مبارک شاہ روڈ پر واقع اکھاڑے کو ویسٹ انڈیز ٹیم کے کھلاڑی ڈیرن سامی سے منسوب کردیا گیا۔ڈیرن سیمی پہلوانی اکھاڑے میں پہلوانوں نے روایتی انداز میں ڈھول کی تھاپ پر دھمال ڈال

کر کرکٹ کے عظیم ہیرو سامی سے اپنی محبت کا اظہار بھی کیا۔پہلوانوں کا کہنا ہے کہ پی ایس ایل فائنل کے دوران ڈیرن سامی نے پاکستانی قوم سے جس والہانہ انداز میں محبت کا اظہار کیا تھا وہ برسوں یاد رہے گا۔

موضوعات:ڈیرن سامی