لاہور(مانیٹرنگ ڈیسک) سابق آل راؤنڈر شاہد خان آفریدی کی بھارتی کرکٹرز بالخصوص ویرات کوہلی کیساتھ ان کی دوستی بھی کسی سے ڈھکی چھپی نہیں ہے جنہوں نے ناصرف آفریدی کو اپنی شرٹ تحفے میں دی تھی بلکہ فنڈ اکٹھا کرنے کیلیے شاہد آفریدی فاؤنڈیشن کو ایک بیٹ بھی تحفے میں دیا۔شاہد آفریدی نے بھی دوستی کی روایت برقرار رکھی ہے اور بھارت کے 70 ویں یوم آزادی کے موقع پر ایسا پیغام جاری کیا ہے کہ نریندر

مودی بھی حیران پریشان رہ جائیں گے لیکن انہوں نے پاکستانیوں کا سر فخر سے ضرور بلند کر دیا ہے۔آفریدی نے بھارتیوں کو ان کے یوم آزادی کی مبارکباد دیتے ہوئے کہا ”جشن آزادی مبارک انڈیا۔۔۔! ہمسایوں کو بدلا نہیں جا سکتا، چلو امن، رواداری اور محبت بڑھانے کیلیے کام کرتے ہیں۔ چلو انسانیت کو غالب کریں۔شاہد آفریدی کے اس بیان کو ناصرف بھارتیوں کی جانب سے سراہا جا رہا ہے بلکہ پاکستانیوں نے بھی اسے پسند کیا ہے اور ان کی حمایت کر رہے ہیں۔

Happy Independence Day India! No way to change neighbours, let’s work towards peace, tolerance and love. Let humanity prevail.# HopeNotOut

— Shahid Afridi (@SAfridiOfficial) August 14, 2017

موضوعات:شاہد آفریدی