اسلام آباد (مانیٹرنگ ڈیسک) پاکستان کرکٹ ٹیم کے کپتان سرفرازاحمد نے کہا ہے کہ ہم سیمی فائنل میں انگلینڈ سے بہتر کھیلے جس کی وجہ سے جیت ہمارا مقدر ٹھہری ، اس کے علاوہ سرفراز احمد نے شائقین کرکٹ کو خوشخبری سنائی کے عامر فائنل تک فٹ ہو جائیں گے، سرفراز احمد نے کہا کہ فائنل میں جو بھی ٹیم ہو ہمیں اس کی پرواہ نہیں اگر ہم انگلینڈ جیسی

مضبوط ٹیم کو شکست دے سکتے ہیں تو فائنل بھی انشاء اللہ ہم جیتیں گے۔ سرفراز احمد کی والدہ نے سیمی فائنل سے قبل سرفراز احمد سے کہا کہ مل کر کھیلنا اور ٹیم کو جوڑ کر رکھنا ، اگر آپ مل کر کھیلے تو انشاء اللہ چیمپیئن ٹرافی جیت کر آئیں گے۔ سرفراز احمد نے کہا کہ تمام نئے لڑکے بہت اچھا پرفارم کر رہے ہیں۔ انشاء اللہ فائنل میں بھی بہت اچھا کھیل پیش کریں گے۔

موضوعات:سرفرازاحمد