اسلام آباد(مانیٹرنگ ڈیسک)بابائے ٹک ٹک مصباح الحق کا بجلی کا میـٹر بھی ٹکـ ٹک نکلا، لیسکو نے 5لاکھ روپے کا بل بھیجنے کا عندیہ دے دیا۔ تفصیلات کے مطابق پاکستان کرکٹ ٹیم کے سابق کپتان اور بابائے ٹک ٹک کے نام سے مشہور مصباح الحق کے پلازے کا بجلی کا میٹر آہستہ چلنے پر کاٹ دیا گیا۔ بتایا جاتا ہے کہ میـٹر آہستہ چلنے پر مصباح الحق کے خلاف 5لاکھ روپے کا بل تیار کر لیا گیا ہےجو انہیں ادا کرنا ہو گا۔

واضح رہے کہ لاہور ڈیفنس میں مصباح الحق کے پلازے میں لگا بجلی کا میـٹر جو کہ آہستہ چل رہا تھا جس پر لیسکو اہلکاروں نے موقع پر جا کر جب چیک کیا تو اس میں خرابی پائی گئی جسے خرابی کی صورت میں کاـٹ دیا گیا ہے جبکہ لیسکو حکام نے آہستہ میٹر کے حوالے سے پائی جانیوالی شکایت پر مصباح الحق کیلئے پانچ لاکھ روپے کا بجلی کا ایک بل بھی تیار کر لیا ہے جو انہیں ادائیگی کیلئے جلد بھجوا دیا جائے گا ۔

موضوعات:مـصباح الحق