لاہور(آئی این پی)پاکستان سپر لیگ (پی ایس ایل) فائنل کھیل کر غیرملکی کھلاڑی بھی خوشی سے نہال ہوگئے۔ کسی نے دوبارہ پاکستان آنے کی خواہش کا اظہار کیا ہے تو کوئی پی سی بی اور سکیورٹی حکام کا شکرگزارنظرآیا۔فاتح ٹیم پشاورزلمی کے کپتان ڈیرن سیمی ،کرس جورڈن اورڈیوڈ مالن نے پچ کے بعد ٹوئٹرکا محاذ سنبھالا۔ ڈیرن سیمی نے دوبارہ پاکستان آنے کی خواہش کا اظہارکردیا۔

ڈیرن سیمی نے اپنے ٹویٹ میں کہا کہ میں پھرآؤں گا، صرف یہی نہیں لیجنڈ کوویل ڈن بھی کہا۔ ڈیوڈ مالن پی سی بی اورسیکیورٹی فورسزکے مشکورنظرآئے ،کہا یہ ایک سنسنی خیزتجربہ تھا جوپاکستان کیلئے بھی اچھا تھا۔انہوں نے اپنے مداحوں کا بھی شکریہ ادا کیا۔ کرس جارڈن نے کہا کہ لاہورکے خوبصورت ماحول نے ان کے اندربجلیاں دوڑا دی تھیں۔

موضوعات:ڈیرن سیمی