لاہور(آئی این پی) پی ایس ایل فائنل کے انتظامات اور کھلاڑیوں کی خاطر تواضع کے لیے میئر لاہور بھی میدان میں آگئے، میئر لاہور نے کہا ہے کہ پی ایس ایل کے انتظامات تو کریں گے ہی ساتھ خود بھی لطف اندوز ہوں گے۔ کرکٹ کا جنون سر چڑھ کر بولنے لگا فائنل کے انتظامات کے لیے میئرلاہور بھی میدان میں آگئے مہمان کھلاڑیوں کی بہترین خاطر تواضع کا عزم لیئے ڈپٹی میئرلاہور بھنگڑے ڈالنے کے لیے بھی بے تاب ہیں۔ مئیر لاہور کہتے ہیں فائنل میچ پر کھلاڑیوں کی ایسی مہمان نوازی کریں گے

جو انہوں نے پہلے کبھی نہیں دیکھی ہوگی، ہر کوئی پوری طرح سے چارجڈ ہے، ہم سب میچ دیکھنے جائینگے، ہمارے غیر ملکی مہمان بھی یاد رکھیں گے۔ مئیر لاہور کی قیادت میں ہم تمام ڈپٹی میئرز سیاسی جلسوں کی طرح وہاں پر ڈیوٹیاں دینگے، مقامی نمائندے پر امید ہیں کہ کھلاڑیوں کو لاہور میں وہ جوش اور ولولہ ملے گا جو ورلڈ کپ کے فائنل میں ہوتا ہے۔ لاہور کی ضلعی سیاسی قیادت پی ایس ایل فائنل کو خوش آمدید کہہ رہی ہے کہتے ہیں مہمانوں کا اس طرح استقبال کرینگے کہ وہ مدتوں یاد رکھیں گے۔

موضوعات:سپر لیگ فائنل،