عمران خان کی حلف برداری کی تقریب ڈی چوک میں ہو گی: فیصل جا وید کا اعلان

اسلام آ باد(پی پی آ ئی) تحریک انصاف عمران خان کو اگلا وزیراعظم دیکھنے کے لئے پر امید ہے، پی ٹی آئی رہنما فیصل جاویدنے کہا کہ انشااللہ وزیراعظم عمران خان کی حلف برداری کی تقریب ڈی چوک اسلام آباد میں منعقد کی جائے گی۔سماجی را بطے کی ویب سائٹ ٹو ئٹر پر اپنے پیغام میںفیصل جا وید خان نے کہا کہ قومی اسمبلی، سندھ اور بلوچستان اسمبلیاں تحلیل کرنے ہی سے پورے ملک میں ایک ساتھ انتخابات ممکن ہیں۔ کوئی دوسری آپشن موجود نہیں کیونکہ پنجاب اور خیبرپختونخوا کی اسمبلیاں پہلے ہی سے تحلیل کر دی گئی ہیں لہٰذا وہاں آئینی طور پر 90 دن کے اندر انتخابات ہونا ضروری ہیں۔ایک اور ٹو ئٹ میں پی ٹی آئی رہنما نے کہا کہ حکومت اب غیر آئینی ہو چکی ہے، آئین سے انحراف اور سپریم کورٹ کے فیصلے کو مسترد کرنے کے بعد پی ڈی ایم حکومت توہینِ عدالت کی مرتکب ہو چکی ہے، امپورٹڈ حکومت اب ایکسپورٹ ہونے والی ہے۔

موضوعات:فیصل جاوید