آصف زرداری کی چوہدری شجاعت حسین کو بڑی پیشکش

  منگل‬‮ 6 دسمبر‬‮ 2022  |  22:25

اسلام آباد(مانیٹرنگ ڈیسک /آن لائن/این این آئی)سابق صدر آصف زرداری اور مسلم لیگ ق کے سربراہ چودھری شجاعت کی گزشتہ روز ہونیوالی ملاقات کی اندرونی کہانی سامنے آگئی ہے ۔ تفصیلات کے مطابق حکومت کی جانب سے پنجاب میں گورنر راج کی بجائے ان ہائوس تبدیلی کو مضبوط آپشن قرار دے دیا ہے جس کا ٹاسک آصف علی زرداری کو سونپا گیا ہے ۔

اس حوالے سے گزشتہ روز سابق صدر آصف علی زرداری اور چوہدری شجاعت کے مابین ملاقات ہوئی ہے ۔ نجی ٹی وی کے مطابق پی پی پی شریک چیئرمین آصف زرداری نے پنجاب میں تبدلی کیلئے چودھری شجاعت حسین کو اپنا کردار ادا کرنے کی درخواست کی ہے ۔ آصف زرداری کی جانب سے یہ تجویز دی گئی ہے کہ پرویز الہٰی اسمبلی نہ توڑیں بلکہ مشاروت سے نیا سیٹ اپ بنا لیں ، یہ یقین دلاتا ہوں کہ حمزہ شہباز شریف وزیراعلیٰ پنجاب نہیں ہوں گے ۔ چوہدری شجاعت کی وزیراعظم شہباز شریف سے بھی ملاقات کا امکان ہے۔خیال رہے کہ گزشتہ روز سابق صدر مملکت آصف علی زرداری کی پاکستان مسلم لیگ ق کے سربراہ چوہدری شجاعت حسین سے ملاقات ہوئی ہے،ملاقات میں ملک کی سیاسی صورتحال اور پنجاب کی موجودہ صورتحال پر تفصیلی تبادلہ خیال کیا گیا۔آصف زرداری کی سربراہ مسلم لیگ ق چوہدری شجاعت حسین سے ملاقات ان کی رہائش گاہ پر ہوئی۔ملاقات میں وفاقی وزیر طارق بشیر چیمہ اور رخسانہ بنگش بھی موجود تھے۔ دوسری جانب وفاقی حکومت نے پنجاب میں گورنر راج لگانے کے بجائے ان ہائوس تبدیلی کو زیادہ مضبوط آپشن قرار دیتے ہوئے اقدامات شروع کر دیئے۔ذرائع کے مطابق ان ہائوس تبدیلی کیلئے اعتماد کے ووٹ کا آپشن استعمال کیا جائے گا، اس سلسلہ میں آصف زرداری کو ٹاسک دے دیا گیا ہے۔ان ہائوس تبدیلی کے لیے تحریک عدم اعتماد نہیں لائی جائے گی، تحریک انصاف اور (ق)لیگ اتحاد اعتماد کا ووٹ نہ لے سکا تو وزیر اعلی کا دوبارہ انتخاب ہو گا۔حکومتی ذرائع کے مطابق (ق) لیگ کے چھ ارکان کی شجاعت کیمپ میں واپسی اس سلسلہ میں گیم چینجر بن سکتی ہے۔



زیرو پوائنٹ

نکاح پر نکاح

مفتی محمد سعید خان عالم دین اور مفتی ہیں‘ کتابوں کے عاشق ہیں‘ پرانے مری روڈ پر چھتر کے مقام پر ان کا مدرسہ اور یونیورسٹی ہے‘ انہوں نے وہاں وسیع کتب خانہ بنا رکھا ہے‘ میں نے پاکستان میں اس سے بڑی پرائیویٹ لائبریری نہیں دیکھی‘ مفتی صاحب کی لائبریری میں سو سال پرانی کتابیں بھی موجود ہیں‘ کتابوں ....مزید پڑھئے‎

مفتی محمد سعید خان عالم دین اور مفتی ہیں‘ کتابوں کے عاشق ہیں‘ پرانے مری روڈ پر چھتر کے مقام پر ان کا مدرسہ اور یونیورسٹی ہے‘ انہوں نے وہاں وسیع کتب خانہ بنا رکھا ہے‘ میں نے پاکستان میں اس سے بڑی پرائیویٹ لائبریری نہیں دیکھی‘ مفتی صاحب کی لائبریری میں سو سال پرانی کتابیں بھی موجود ہیں‘ کتابوں ....مزید پڑھئے‎