اسلام آباد (این این آئی)وفاقی وزیر ہوابازی خواجہ سعد رفیق نے کہا ہے کہ پاکستان اور ترکی کے مابین سفارتی تعلقات کی 75 ویں سالگرہ کے موقع پر پاکستان انٹر نیشنل ایئر لائن(پی آئی اے) استنبول کے لئے فضائی آپریشن شروع کررہی ہے۔ جمعہ کو پی آئی اے کے ترجمان عبداللہ حفیظ خان کی طرف سے جاری بیان کے مطابق وفاقی وزیر ہوابازی خواجہ سعد رفیق نے کہا کہ پی آئی اے 14نومبر سے پاکستان سے ترکی کیلئے ہفتہ وار 6 پروازیں چلائے گی۔ انہوں نے کہا کہ پاکستان سے یورپ، برطانیہ اور امریکہ جانیوالے مسافر استنبول سے پی آئی اے۔ ترکش ائیر لائن کوڈ شیئر معاہدے کے تحت سفر کر سکیں گے۔