واشنگٹن(این این آئی) وائٹ ہاوس نے کہاہے کہ روس آئندہ چند روز میں یوکرین پر بمباری اور میزائل حملہ کر سکتا ہے۔غیر ملکی خبر ایجنسی کے مطابق امریکا کے مشیر برائے قومی سلامتی کا کہنا تھا کہ یوکرین پر روسی حملے کا قومی

امکان ہے، لیکن یہ نہیں کہہ سکتے کہ پیوٹن نے حملے کا حتمی فیصلہ کر لیا ہے۔دوسری جانب وائٹ ہاس نے خدشہ ظاہر کیا کہ روس آئندہ چند روز میں یوکرین پر بمباری اور میزائل حملہ کر سکتا ہے۔یوکرین پر روس کے حملے کے خدشے کے پیش نظر امریکا نے آئندہ ہفتے تک مزید 3 ہزار فوجی پولینڈ بھیجنے کا اعلان کیا ۔ادھر جرمنی کا کہناتھا کہ اگر یوکرین پر حملہ ہوا تو امریکا، فرانس اور جرمنی روس کے خلاف سخت پابندیاں لگائیں گے۔میڈیا رپورٹس کے مطابق روس نے یوکرین کے ساتھ سرحد پر ایک لاکھ سے زائد فوجی جمع کر لیے ہیں۔تاہم روس نے یوکرین پر حملے کی منصوبہ بندی کی تردید کرتے ہوئے کہا کہ ایسا کوئی منصوبہ زیر غور نہیں ہے۔