پشاور(این این آئی) امیرجماعت اسلامی سراج الحق نے کہا ہے کہ سترسالوں میں حکمرانوں اورجرنیلوں نے ملک سے بیوفائی کی، گورنر پنجاب نے عتراف کیاہے،عوام کواب سونامی کامطلب پتاچلا کہ اس کامطلب مہنگائی اور عالمی اداروں کی غلامی ہے،ملک میں دوکروڑ سے زائد افراد بے روزگار ہیں،مافیاز کاراج ہے،

پی ٹی آئی نے ان مافیاز کوتحفظ فراہم کیاہے۔ پشاور کے مرکز اسلامی میں میڈیا سے گفتگو میں امیر جماعت اسلامی سراج الحق کا کہنا تھا کہ منی بجٹ تیارہے جس سے مزید مہنگائی بڑھے گی،عوام میں مزید سکت نہیں،منی بجٹ مستردکرتے ہیں،انگریز کے جانے بعد ان کے ایجنٹ یہاں مسلط ہیں تمام ادارے تباہ ہیں،کرپٹ مافیااور پاکستان ساتھ ساتھ نہیں چل سکتے۔انہوں نے کہا کہ سودی نظام نے پاکستان کوتباہ کردیاہے،ملکی مسائل کاحل اسلامی نظام میں ہے اورہم اس کے لیے کوشاں ہیں،سراج الحق کا کہنا تھا کہ پی ڈی ایم نے بھی اس عرصہ میں پی ٹی آئی کاساتھ دیا،ان کے بیانات ہوائی فائرنگ ہے،یہ ایک دوسرے کو این آراو دے چکے ہیں،بیانات صرف ورکروں کے اطمینان کے لئے ہیں، عوام کرپشن فری پاکستان اور کے پی چاہتے ہیں تو ہمارا ساتھ دیں،پشاور کودوبارہ پھولوں کا شہربنائیں گے،بی آر ٹی کی وجہ سے پشاور کاحسن تباہ ہوگیاہے،اپوزیشن توصرف جماعت اسلامی ہے، ن لیگ، پیپلزپارٹی اور پی ٹی آئی سٹیٹس کو کی جماعتیں ہیں،ہم پی ڈی ایم کا ساتھ دے کرعوام پرظلم نہیں کرسکتے،پی ڈی ایم نے پارلیمان کے اندر بھی ہمیشہ پی ٹی آئی کاساتھ دیا۔مہنگائی سے نجات کے لئے سودی نظام کوختم کرکے اسلامی معیشت نافذ کی جائے،پی ڈی ایم پنجاب میں تبدیلی لاسکتے ہیں لیکن یہ ایسا نہیں چاہتے۔

موضوعات:سراج الحق