اسلام آباد(مانیٹرنگ ڈیسک) ماضی کی معروف پاکستان فلم انڈسٹری کی جوڑی شبنم اور ندیم دوبارہ پردہ سکرین پر جلوہ گر ہونے کو تیار۔ تفصیلات کے مطابق ماضی کی معروف ہیروئن شبنم نے ماضی کے اپنے ساتھی اداکار ندیم کے ہمراہ فلم آئینہ ٹو میں کام کرنے کی تصدیق کرتے ہوئے کہا ہے کہ وہ کراچی دوبارہ آئیں گی اور سید نور کی فلم آئینہ ٹو میں ساتھی اداکار ندیم کے ہمراہ کام کریں گی۔ ان کا کہنا تھا کہ خود کو کبھی پاکستان

سے الگ نہیں سمجھا کیوں کہ مجھے شناخت پاکستان نے دی اور یہاں فلموں میں کام کرنا اپنے لیے اعزاز سمجھتی ہوں۔واضح رہے کہ معروف پاکستانی ہدایتکار سید نور نے ندیم اور شبنم کی ماضی کی کامیاب فلم آئینہ کا سیکوئل بنانے کا اعلان کیا تھا جس پرپاکستان کے دورہ پر آئی ہوئی ماضی کی معروف اداکارہ شبنم نے اس میں کام کرنے کی حامی بھرتے ہوئے کہا ہے کہ یہ فلم پاکستانی سینماکا احیا ء ثابت ہو گی۔

موضوعات:سید نور ندیم شبنم