پشاور (این این آئی)پشاورانجینئرنگ یونیورسٹی کے طلباء نے اے سی والی جیکٹ تیار کرکے گرمی کا حل نکال لیا ہے۔تفصیلات کے مطابق پشاورانجینئرنگ یونیورسٹی کے طلباء نے اے سی والی جیکٹ تیار کرکے گرمی کا حل نکال لیا ہے۔

انجینئرنگ یونیورسٹی کے طلباء فیس چنیچنگ مواد کو مخصوص پیکٹ میں بند کر کے 17ڈگری سینٹی درجہ حرارت والی جگہ میں منجمد کرکے اپنی تخلیق کردہ جیکٹ میں رکھتے ہیں۔نجی ٹی وی سے گفتگو میں ایک طالبعلم نے بتایا کہ اگر ایک انسان 19سے 22ڈگری سینٹی کی کولنگ لیتا ہے یہ اس کے جسم کیلئے بالکل ٹھیک ہوتا ہے، جیکٹ میں جو مواد ہم نے رکھا ہے اس کا فریزنگ درجہ حرارت 17سے 19تک ہے۔

جیکٹ کی قیمت کے حوالے سے طالب علم نے بتایا کہ اس کی قیمت 7ہزار ہے اگر حکومت یا کوئی کمپنی ہمارے ساتھ تعاون کرتی ہے تو اس کی قیمت کم ہوسکتی ہے۔نوجوانوں نے اپنی تخلیق کو اے سی جیکٹ کا نام دیا ہے جس کے پہننے سے 3گھٹنوں کیلئے ٹھنڈک برقرار رہتی ہے۔ انجینئرز نے بتایا کہ فیس چنیچنگ مواد مطلوب درجہ حرارت میں 15 منٹ رکھنے کے بعد دوبارہ استعمال کیا جاسکتا ہے۔