اسلام آباد (مانیٹرنگ ڈیسک) موٹر وے کوئی کئی مقامات پر شدید دھند کی وجہ سے بند کر دیا گیا، موٹروے ایم ٹولاہورسے کوٹ مومن تک شدیددھندکے باعث بندکردی گئی، موٹروے ا یم تھری لاہورسے خانیوال تک دھندکے باعث ہر طرح کی ٹریفک کے لئے بند کر دی گئی ہے، جبکہ موٹروے ایم فورپنڈی بھٹیاں سے شام کوٹ تک اور

لاہورسیالکوٹ موٹروے دھند کی وجہ سے بند کردی گئی ہے، نجی ٹی وی چینل کی رپورٹ کے مطابق لاہورسیالکوٹ موٹروے پرحدنگاہ 50 میٹرسے بھی کم رہ گئی ہے، دوسری جانب قومی شاہراہ پرچوہنگ،موہلنوال،مانگامنڈی،پھولنگر، پتوکی،حبیب آباد،رینالہ خورد، اوکاڑہ میں بھی دھندکا راج ہے، ساہیوال،ہڑپہ، چیچہ وطنی میں بھی شدید دھند ہے، ترجمان موٹر وے کے مطابق قومی شاہراہ پر بھی حد نگاہ 50میٹرہے،ترجمان موٹر وے کا کہنا ہے کہ شہری اپنی گاڑیوں میں فوگ لائٹس کا استعمال کریں اور غیر ضروری سفر سے گریز کریں، غیر ضروری سفر کرکے اپنی زندگیوں کو خطرے میں نہ ڈالیں۔ دوسری جانب دھند میں چوری کی انوکھی واردات‘ دھند شدید سردی چور دکان کی دیوار میں نقب لگا کر کھانے پینے کی اشیاء گوشت چْرا کر لے گئے،تفصیل کے مطابق نواحی گاوں تالیہ میں ملک سرور کی کریانہ کی دان میں نامعلوم چوروں نے نقب لگا کرچاول گھی چینی پتی دالیں چوری کر لیں چوروں نے دوکان میں برائلر گوشت اور دیسی انڈے بھی چوری کر لیے:ملک سرور دکاندار کے مطابق چوروں نے تقریباً ڈیڑھ لاکھ مالیت کا سامان چوری کیا ہے اطلاع ملنے پر تھانہ صدر کی پولیو موقع پر پہنچ گئی اور نامعلوم چوروں کی تلاش شروع کر دی ہے۔اہل علاقہ نے اعلی حکام سے نوٹس لینے کا مطالبہ کیا ہے۔

موضوعات:موٹر وے